搜尋

跳到內容
icon

媒體短片

長遠減碳策略宣傳短片

按此觀看此電視宣傳短片的文字稿
螢幕蓋字:氣候報告 主持人 慳神
慳神:氣候變化已經十分明顯!
減緩氣候變化人人有責!
由日常生活開始減碳,計算一下吧!
螢幕蓋字:節能減廢
www.carboncalculator.gov.hk
男住戶:這麼熱,再把冷氣溫度調低一點!
慳神:這樣會增加碳排放!
何不開窗和開電風扇!
家人:點太多吃不下 !
慳神:吃得完才下單!
男旁白:長遠減碳策略公眾參與已經開始,
大家上susdev.org.hk 提出意見,
幫助制定長遠減碳目標吧!
螢幕蓋字:長遠減碳策略公眾參與
www.susdev.org.hk
意見收集期:至20.9.2019
男旁白:全民參與 低碳轉型
螢幕蓋字:全民參與 低碳轉型
[可持續發展委員會標誌]

長遠減碳策略宣傳短片(無障礙瀏覽版本)

按此觀看此短片的文字稿
螢幕蓋字:氣候報告 主持人 慳神
畫面內容描述:開鏡見慳神以氣候報告主持人身份在報道,旁邊大螢幕播出有關氣候變化短片,包括颱風後塌樹,暴雨湧浪和酷熱天氣,慳神說
慳神:氣候變化已經十分明顯!減緩氣候變化人人有責!
畫面內容描述:畫面一轉,畫面直分為四欄,由左至右見,剛關上的發光二極管座地燈,轉動中的風扇,多菜少肉的午餐及環保袋。四件物件轉走,轉出「節能減廢」四個字,中間見低碳生活計算機。
螢幕顯示網址www.carboncalculator.gov.hk ,慳神旁白說
慳神:由日常生活開始減碳,計算一下吧!
螢幕蓋字:節能減廢
www.carboncalculator.gov.hk
畫面內容描述:畫面見男住戶在家中看書,覺得很熱,用冷氣機搖控器調低冷氣溫度,男住戶旁白說
男住戶:這麼熱,再把冷氣溫度調低一點!
畫面內容描述:慳神在旁邊,右手拿著低碳生活計算機,左手拿著顯示出室內溫度18度的冷氣機搖控器,慳神搖搖頭說
慳神:這樣會增加碳排放!
畫面內容描述:然後慳神按一下身上紅色的開關鍵,開關鍵和低碳生活計算機顯示屏轉為綠色。
畫面見男住戶家中的冷氣機消失,窗打開,旁邊亦多了一把風扇。慳神微笑著提議
慳神:何不開窗和開電風扇!
畫面內容描述: 畫面同時見到男住戶開風扇。
畫面內容描述: 畫面見一家五口中的夫婦在茶樓用膳,看著桌面放滿吃不完的食物,女人旁白說
家人:點太多吃不下 !
畫面內容描述: 畫面見一家五口三代同堂正在用膳。
慳神拿著低碳生活計算機出現,在桌子前轉一轉身,變走多餘食物,一家人立刻開心享用食物。慳神身上的開關鍵和計算機顯示屏由紅色轉變成綠色,慳神微笑著提醒
慳神:吃得完才下單!
螢幕蓋字: 長遠減碳策略公眾參與
www.susdev.org.hk
意見收集期:至20.9.2019
畫面內容描述:螢幕蓋字,長遠減碳策略公眾參與的標題。
慳神出現,捧著寫上意見收集期的橫牌,放好位置,跳到右下角,做出邀請大家參與的動作。螢幕蓋字,意見收集期:至2019年9月20日,及網址www.susdev.org.hk,旁白說
男旁白: 長遠減碳策略公眾參與已經開始,大家上susdev.org.hk 提出意見,幫助制定長遠減碳目標吧!
螢幕蓋字: 全民參與 低碳轉型
可持續發展委員會標誌
畫面內容描述: 尾鏡見慳神拿著低碳生活計算機站在畫面左下方微笑眨眼,手指著標語「全民參與,低碳轉型」,螢幕右下方顯示可持續發展委員會標誌。旁白說
男旁白: 全民參與 低碳轉型
按此觀看此電台宣傳聲帶的文字稿
SFX:(風雨聲)
慳神:氣候變化已經好明顯!
(音樂)
我慳神提醒大家,減緩氣候變化,人人有責!由日常生活開始減碳喇!天氣熱就開窗、開風扇;咪嘥食物,食得晒先好嗌!
男旁白:長遠減碳策略公眾參與開始咗喇,大家一齊俾意見啦!
意見收集期至二零一九年九月二十號,詳情睇susdev.org.hk
全民參與,低碳轉型

街頭訪問短片第1集

按此觀看此短片的文字稿
蘇麗珊:今日呢,就嚟到旺角街頭
問下大家一啲關於減碳嘅知識呀
行喇
蘇麗珊:你知唔知咩嘢係碳排放?
情侶(男):唔知喎
情侶(女):車排出嚟嗰啲
小朋友:唔知
黑衣男生:Errrr……
蘇麗珊:唔洗望喇,冇答案㗎
衛衣女生:Errr…… 英文係咩呀?
長髮男士:我哋日常生活做過嘅嘢
搭車又好,運貨又好
用嘅機器同儀器會有二氧化碳排出
蘇麗珊:「碳排放」其實係
溫室氣體排放量嘅簡稱
為咗令人容易啲理解
喺計算溫室氣體排放量嘅時候
會根據佢哋對
全球溫室效應嘅潛在影響
轉換成相若嘅二氧化碳排放量
蘇麗珊:你知唔知高碳排放會有乜嘢後果?
眼鏡男生:溫室效應啦
中學有講㗎嘛
蘇麗珊:嘩 好聰明喎呢位仁兄
小朋友:應該會好熱
衛衣女生:北極熊,你都知搵唔到冰啦
捱餓啦
都話就快會滅絕嘅
女士:個氣溫會上升囉
蘇麗珊:溫室氣體就好似大氣中嘅一層覆蓋層
阻止熱力離開地球
「碳排放」高即是溫室氣體排放量高
係會導致氣候暖化
全球平均海平面上升
全球水循環改變
冰雪減少
同埋極端天氣更趨頻繁
係會嚴重影響
全球人類生境同生態系統
要知道自己嘅「碳排放」
就可以上呢個網址
用低碳生活計算機計喇!
www.carboncalculator.gov.hk
蘇麗珊:有乜日常做到嘅嘢你可以幫助到減碳?
衛衣女生:唔鍾意用膠(類產品)
所以我自己有好多環保杯
自己帶出街用
盡量走(飲)管
長髮男士:我唔出街囉
蘇麗珊:唔出街?!
黑衣男生:坐多啲交通工具
唔好成日揸車
蘇麗珊:分享下你平時衣、食、住、行嘅減碳方法
情侶(男):開少啲冷氣
情侶(女):開少啲燈
小朋友:車唔用石油(蘇麗珊:唔用汽油)用電
蘇麗珊:係喇,咁就會環保啲喇
長髮男士:咁我就會盡量少買嘢嘅
如果行到就行囉
冇必要揸車或者搭車嘛
蘇麗珊:我哋先講著衫呀
可以唔好追求潮流
唔會亂買新衫
同埋將唔適用嘅衣物送俾有關團體
轉送俾有需要嘅人
食嘢方面呢
我哋可以多菜少肉
最緊要呢係珍惜食物
住方面呢
我哋可以實踐惜物減廢
減少製造家居廢物
慳水慳電都可以幫助減少碳排放㗎
行方面呢
出街盡量乘搭公共交通工具
如果係近嘅地方,不如試下行路呀
長遠減碳策略公眾參與已經開始咗喇
大家除咗實踐緊
你哋嘅低碳生活之餘
都可以上susdev.org.hk
俾啲意見呀

街頭訪問短片第1集(無障礙瀏覽版本)

按此觀看此短片的文字稿
畫面內容描述:畫面寫住「減碳小教室」上篇
背景出現綠色嘅樹木、大廈、高山同太陽
慳神企喺前面手舞足蹈
鏡頭顯示蘇麗珊企喺旺角行人天橋,佢講 :
蘇麗珊:今日呢,就嚟到旺角街頭
問下大家一啲關於減碳嘅知識呀
行喇
畫面內容描述:蘇麗珊背向鏡頭跑走
畫面顯示問題:
蘇麗珊:你知唔知咩嘢係碳排放?
畫面內容描述:鏡頭出現一對情侶,男方答:
情侶(男):唔知喎
畫面內容描述:鏡頭影住女方,女方答:
情侶(女):車排出嚟嗰啲
畫面內容描述:一個紅衣小朋友答:
小朋友:唔知
畫面內容描述:另一個黑衣男生,佢一臉猶疑,四圍望
蘇麗珊講:
蘇麗珊:唔洗望喇,冇答案㗎
畫面內容描述:鏡頭出現一個白色衛衣女生,佢問:
衛衣女生:Errr…… 英文係咩呀?
畫面內容描述:衛衣女生頭上出現「ABC同問號」
一個長髮男士答:
長髮男士:我哋日常生活做過嘅嘢
搭車又好,運貨又好
用嘅機器同儀器會有二氧化碳排出
畫面內容描述:畫面上有一架排緊廢氣嘅紅色卡通汽車從右至左駛過
鏡頭一轉,蘇麗珊企喺草地上面,佢話:
蘇麗珊:「碳排放」其實係
溫室氣體排放量嘅簡稱
為咗令人容易啲理解
喺計算溫室氣體排放量嘅時候
會根據佢哋對
全球溫室效應嘅潛在影響
轉換成相若嘅二氧化碳排放量
畫面內容描述:畫面下方出現「碳排放=溫室氣體排放」字樣
畫面左方出現排出黑色二氧化碳嘅卡通地球
右方寫有「潛在影響」字樣
畫面顯示問題:
蘇麗珊:你知唔知高碳排放會有乜嘢後果?
畫面內容描述:鏡頭出現兩個年青男子,一個戴藍色帽,一個戴眼鏡
眼鏡男生答:
眼鏡男生:溫室效應啦
中學有講㗎嘛
畫面內容描述:蘇麗珊講:
蘇麗珊:嘩 好聰明喎呢位仁兄
畫面內容描述:有一副卡通太陽眼鏡放喺眼鏡男生眼前
剛才出現過嘅紅衣小朋友答:
小朋友:應該會好熱
畫面內容描述:紅衣小朋友嘅頭流住卡通汗滴
剛才出現過嘅衛衣女生答:
衛衣女生:北極熊,你都知搵唔到冰啦
捱餓啦
都話就快會滅絕嘅
畫面內容描述:畫面出現卡通北極熊企喺冰塊上從右至左飄過,頭上有幾個問號
鏡頭出現戴眼鏡嘅女士,佢答:
女士:個氣溫會上升囉
畫面內容描述:蘇麗珊喺草地上面講:
蘇麗珊:溫室氣體就好似大氣中嘅一層覆蓋層
阻止熱力離開地球
「碳排放」高即是溫室氣體排放量高
畫面內容描述:畫面左方有卡通地球,被灰色嘅溫室氣體包圍
右方寫有「阻止熱力離開地球」字樣
然後,畫面左方寫有「碳排放高=溫室氣體排放高」字樣
蘇麗珊話:
蘇麗珊:係會導致氣候暖化
畫面內容描述:畫面出現卡通地球,後有太陽,前有溫度計
右下方寫有「氣候暖化」字樣
蘇麗珊繼續話:
蘇麗珊:全球平均海平面上升
畫面內容描述:畫面一轉,慳神喺卡通海面漂浮,水位不斷上升
左上方寫有「全球平均海平面上升」字樣
蘇麗珊話:
蘇麗珊:全球水循環改變
畫面內容描述:畫面出現卡通白雲、青山、河流、海洋,有代表循環嘅箭咀
中間寫有「全球水循環改變」字樣
蘇麗珊繼續話:
蘇麗珊:冰雪減少
畫面內容描述:畫面再轉,北極熊企喺冰塊上面
周圍剩返好少冰,大部份都係溶解咗嘅冰水
右上方寫有「冰雪減少」字樣
蘇麗珊話:
蘇麗珊:同埋極端天氣更趨頻繁
畫面內容描述:畫面又轉,有大廈有屋,天上有黑雲,落緊大雨,行雷閃電
右下方寫有「極端天氣」字樣
畫面內容描述:鏡頭出現蘇麗珊,佢喺草地上面講:
蘇麗珊:係會嚴重影響
全球人類生境同生態系統
畫面內容描述:蘇麗珊繼續話:
蘇麗珊:要知道自己嘅「碳排放」
就可以上呢個網址
用低碳生活計算機計喇
畫面內容描述:畫面下方出現低碳生活計算機
寫有「低碳生活計算機」字樣同埋 www.carboncalculator.gov.hk
畫面內容描述:畫面顯示問題:
蘇麗珊:有乜日常做到嘅嘢你可以幫助到減碳?
畫面內容描述:剛才出現過嘅衛衣女生答:
衛衣女生:唔鍾意用膠(類產品)
所以我自己有好多環保杯
自己帶出街用
盡量走(飲)管
畫面內容描述:畫面右方出現卡通可重用水樽及水杯
剛才出現過嘅長髮男士答:
長髮男士:我唔出街囉
畫面內容描述:長髮男士頭上出現卡通藍白間條睡帽
兩個感歎號出現喺蘇麗珊頭頂,蘇麗珊好驚訝咁話:
蘇麗珊:唔出街?!
畫面內容描述:剛才出現過嘅黑衣男生答:
黑衣男生:坐多啲交通工具
唔好成日揸車
畫面內容描述:畫面顯示問題:
蘇麗珊:分享下你平時衣、食、住、行嘅減碳方法
畫面內容描述:鏡頭出現一對剛才出現過嘅情侶
男方同女方相繼回答:
情侶(男):開少啲冷氣
情侶(女):開少啲燈
畫面內容描述:剛才出現過嘅紅衣小朋友答:
小朋友:車唔用石油
畫面內容描述:一個卡通黑色罐上寫有「石油」字樣,罐上有三個問號
蘇麗珊講:
蘇麗珊:唔用汽油
畫面內容描述:小朋友繼續講:
小朋友:用電
畫面內容描述:蘇麗珊講:
蘇麗珊:係喇,咁就會環保啲喇
畫面內容描述:剛才出現過嘅長髮男士答:
長髮男士:咁我就會盡量少買嘢嘅
如果行到就行囉
冇必要揸車或者搭車嘛
畫面內容描述:鏡頭出現蘇麗珊喺草地上面講:
蘇麗珊:我哋先講著衫呀
可以唔好追求潮流
唔會亂買新衫
畫面內容描述:畫面出現兩件未剪牌嘅衫,上面有紅色禁止標誌,下面寫住「切勿亂買新衫」字樣
蘇麗珊話:
蘇麗珊:同埋將唔適用嘅衣物送俾有關團體
轉送俾有需要嘅人
畫面內容描述:慳神拖住一籃衫,由左方走去右方
蘇麗珊繼續講:
蘇麗珊:食嘢方面呢
我哋可以多菜少肉
最緊要呢係珍惜食物
畫面內容描述:畫面出現好多卡通蔬菜如紅蘿蔔、生菜、香蕉、番茄;同埋一舊肉,下面寫住「多菜少肉」字樣
蘇麗珊話:
蘇麗珊:住方面呢
我哋可以實踐惜物減廢
減少製造家居廢物
慳水慳電都可以幫助減少碳排放㗎
畫面內容描述:畫面出現傢俬,前面有紅色禁止標誌,下面寫住「減少製造、家居廢物」字樣
蘇麗珊話:
蘇麗珊:行方面呢
出街盡量乘搭公共交通工具
畫面內容描述:畫面有鐵路、巴士、小巴、電車等公共交通工具由右駛去左
寫住「公共交通工具」字樣
蘇麗珊繼續講:
蘇麗珊:如果係近嘅地方,不如試下行路呀
畫面內容描述:畫面左方有綠色足印一步一步向前行
蘇麗珊話:
蘇麗珊:長遠減碳策略公眾參與已經開始咗喇
大家除咗實踐緊
你哋嘅低碳生活之餘
都可以上susdev.org.hk
俾啲意見呀
畫面內容描述:鏡頭出現長遠減碳策略公眾參與
www.susdev.org.hk
畫面出現可持續發展委員會標誌同佢嘅中英文名:
可持續發展委員會
Council for Sustainable Development

街頭訪問短片第2集

按此觀看此短片的文字稿
蘇麗珊:鰂魚涌嘅水位高度平均約在1.5米,山竹襲港嗰日升到幾多米?
學生:我覺得係3.88米
蘇麗珊:唔知㗎啦,睇你個樣都
兩位男生(右):我唔知㗎,我唔知㗎
紫衣女生:5.88 (米)啦
戴帽女生:我揀C呀,3.88米
蘇麗珊:係呀
戴帽女生:我估㗎咋
蘇麗珊:當日鰂魚涌嘅潮汐水位
係去到3.88米咁高㗎
所以答案就係 C 喇
蘇麗珊:香港1981-2010年平均熱夜數目為17.8晚,近幾年(2014至2017年)香港熱夜數目究竟有幾多晚?
眼鏡男生:其實我唔知夜晚有幾多度
我諗可能係300日啦
蘇麗珊:
兩位男生(左):上年真係熱到
誇張到每一晚都覺得必須要開冷氣
紫衣女生:40 (晚)啦
長髮男士:25 (晚)
蘇麗珊:添啲呀
長髮男士:32 (晚)
蘇麗珊:原來熱夜嘅數目係上升咗好多㗎
2014年有34晚
2015年有37晚
2016年有36晚
2017年有41晚,咁多㗎
蘇麗珊:氣候變化有冇影響你而家嘅生活?
黑衣男生:啲氣溫好奇怪啦
女士:好似打風咁,之前都冇咁厲害
蘇麗珊:氣候變化係會令香港(面對)氣溫上升
更頻密極端降雨
同埋海平面上升等等
增加嚴重熱浪,山泥傾瀉
同埋水浸嘅風險
同熱帶氣旋相關嘅風暴潮威脅
亦都會相對增大
呢啲轉變會影響大眾日常生活
而更頻繁極端天氣
係會令安全同埋健康風險增加㗎/td>
蘇麗珊:你願唔願意由今日起開始減碳?
眼鏡男生:同邊個承諾?同你承諾?
蘇麗珊:同攝影機承諾
眼鏡男生:哦,好呀
小朋友:願意
黑衣男生:我願意嘅
長髮男士:我願意呀
衛衣女生:咁梗係承諾啦
學生:我願意
蘇麗珊:你會做啲乜去應對氣候變化?
眼鏡男生:揸少啲車
搭公共交通工具
戴帽女生:喺自己小崗位裡面做少少嘢
女士:啲衫儲多啲先洗
用水自己節約啲
紫衣女生:由食肉轉食素啦
大家叫咗好多餸,食剩嘅話
我都會清底
蘇麗珊:其實我哋係可以由個人做起嘅
咁喺日常生活中可以慳電啲
例如係轉用LED燈
同埋一級能源標纖嘅電器
咁唔用嘅時候記得熄咗佢喇
多啲開窗同埋開風扇
如果真係要開冷氣呢
就將溫度較去攝氏24-26度
我哋可以慳水啲
惜物減廢
盡量循環再用
出去嘅時候就唔好用即棄用品同膠袋
仲有呢,記得珍惜食物
食得晒先好嗌

長遠減碳策略公眾參與已經開始咗喇
大家除咗實踐緊
你哋嘅低碳生活之餘
都可以上susdev.org.hk
俾啲意見呀

街頭訪問短片第2集(無障礙瀏覽版本)

按此觀看此短片的文字稿
畫面內容描述:畫面寫住「減碳小教室」下篇
背景出現綠色嘅樹木、大廈、高山同太陽
慳神企喺前面手舞足蹈
畫面內容描述:畫面出現問題
蘇麗珊:鰂魚涌嘅水位高度平均約在1.5米,山竹襲港嗰日升到幾多米?
畫面內容描述:畫面顯示選項:A.1.88米 B.2.88米 C.3.88米 D.5.88米
畫面內容描述:鏡頭轉去校服男生
學生:我覺得係3.88米
畫面內容描述:學生頭上出現卡通博士帽
鏡頭轉去兩位男生,一左一右
蘇麗珊話:
蘇麗珊:唔知㗎啦,睇你個樣都
畫面內容描述:右邊男生話:
兩位男生(右):我唔知㗎,我唔知㗎
畫面內容描述:鏡頭轉去紫衣女生:
紫衣女生:5.88 (米)啦
畫面內容描述:鏡頭轉去戴帽女生:
戴帽女生:我揀C呀,3.88米
畫面內容描述:蘇麗珊話:
蘇麗珊:係呀
畫面內容描述:蘇麗珊舉起手指公表示答啱
有卡通手指公出現喺戴帽女生前面
戴帽女生繼續話:
戴帽女生:我估㗎咋
畫面內容描述:鏡頭轉去身在草地嘅蘇麗珊,佢講:
蘇麗珊:當日鰂魚涌嘅潮汐水位
係去到3.88米咁高㗎
所以答案就係 C 喇
畫面內容描述:鏡頭出現水位上升畫面
畫面出現問題
蘇麗珊:香港1981-2010年平均熱夜數目為17.8晚,近幾年(2014至2017年)香港熱夜數目究竟有幾多晚?
畫面內容描述:畫面出現螢幕蓋字:熱夜即係當日最低溫度等於或高於攝氏28度
鏡頭轉去眼鏡男生,佢答:
眼鏡男生:其實我唔知夜晚有幾多度
我諗可能係300日啦
畫面內容描述:「300日」字樣出現喺男生頭上
蘇麗珊一面驚訝咁話:
蘇麗珊:
畫面內容描述:畫面出現「吓?!」字樣喺蘇麗珊頭頂
鏡頭轉去兩位男生,左邊男生話:
兩位男生(左):上年真係熱到
誇張到每一晚都覺得必須要開冷氣
畫面內容描述:鏡頭轉去紫衣女生,「40晚」字樣出現喺女生眼前
紫衣女生:40 (晚)啦
畫面內容描述:鏡頭轉去長髮男士,佢同蘇麗珊對答話:
長髮男士:25 (晚)
蘇麗珊:添啲呀
長髮男士:32 (晚)
畫面內容描述:畫面出現「25」、「添啲呀」同「32」字樣
鏡頭轉去身在草地嘅蘇麗珊,佢話:
蘇麗珊:原來熱夜嘅數目係上升咗好多㗎
2014年有34晚
2015年有37晚
2016年有36晚
2017年有41晚,咁多㗎
畫面內容描述:畫面左方有圖表顯示年份同熱夜數目,慳神正在流汗
畫面內容描述:畫面出現問題:
蘇麗珊:氣候變化有冇影響你而家嘅生活?
畫面內容描述:鏡頭轉去黑衣男生:
黑衣男生:啲氣溫好奇怪啦
畫面內容描述:左方有卡通溫度計,紅色指標顯示溫度上上落落
鏡頭轉去一位女士:
女士:好似打風咁,之前都冇咁厲害
畫面內容描述:鏡頭轉去身在草地嘅蘇麗珊
蘇麗珊:氣候變化係會令香港(面對)氣溫上升
更頻密極端降雨
同埋海平面上升等等
畫面內容描述:畫面內藍天下嘅香港城市插圖轉成橙黃色
插圖轉為下大雨及多把雨傘
之後轉為城市被海水淹沒
鏡頭轉去身在草地嘅蘇麗珊,佢話:
蘇麗珊:增加嚴重熱浪,山泥傾瀉
同埋水浸嘅風險
同熱帶氣旋相關嘅風暴潮威脅
亦都會相對增大
畫面內容描述:鏡頭出現乾旱、山泥傾瀉同埋水浸房屋嘅插圖
亦出現龍捲風插圖
圍繞蘇麗珊,佢話:
蘇麗珊:呢啲轉變會影響大眾日常生活
而更頻繁極端天氣
係會令安全同埋健康風險增加㗎
畫面內容描述:畫面出現問題
蘇麗珊:你願唔願意由今日起開始減碳?
畫面內容描述:鏡頭轉去街上蘇麗珊訪問眼鏡男生,佢問:
眼鏡男生:同邊個承諾?同你承諾?
畫面內容描述:蘇麗珊答:
蘇麗珊:同攝影機承諾
畫面內容描述:眼鏡男生答:
眼鏡男生:哦,好呀
畫面內容描述:鏡頭轉去一眾受訪者,包括小朋友、黑衣男生、長髮男士、衛衣女生同埋學生, 佢哋話:
小朋友:願意
黑衣男生:我願意嘅
長髮男士:我願意呀
衛衣女生:咁梗係承諾啦
學生:我願意
畫面內容描述:畫面出現問題:
蘇麗珊:你會做啲乜去應對氣候變化?
畫面內容描述:鏡頭轉去眼鏡男生,佢講:
眼鏡男生:揸少啲車
搭公共交通工具
畫面內容描述:畫面出現卡通小巴、電車同地鐵
鏡頭轉去戴帽女生,佢話:
戴帽女生:喺自己小崗位裡面做少少嘢
畫面內容描述:鏡頭轉去女士,佢話:
女士:啲衫儲多啲先洗
用水自己節約啲
畫面內容描述:畫面出現一堆卡通衣服
鏡頭轉去紫衣女生,佢話:
紫衣女生:由食肉轉食素啦
大家叫咗好多餸,食剩嘅話
我都會清底
畫面內容描述:鏡頭轉去身在草地嘅蘇麗珊,佢講:
蘇麗珊:其實我哋係可以由個人做起嘅
咁喺日常生活中可以慳電啲
例如係轉用LED燈
同埋一級能源標纖嘅電器
咁唔用嘅時候記得熄咗佢喇
畫面內容描述:畫面出現卡通燈泡同一級能源標籤
蘇麗珊講:
蘇麗珊:多啲開窗同埋開風扇
如果真係要開冷氣呢
就將溫度較去攝氏24-26度
畫面內容描述:畫面出現窗同風扇
鏡頭轉去圖像,有一部冷氣機及遙控器
上面寫著數字24-26度
鏡頭轉回身在草地嘅蘇麗珊 ,佢講:
蘇麗珊:我哋可以慳水啲
惜物減廢
盡量循環再用
出去嘅時候就唔好用即棄用品同膠袋
仲有呢,記得珍惜食物
食得晒先好嗌
畫面內容描述:畫面出現「慳水」同「惜物減廢」字樣
即棄餐具及膠袋上面有紅色禁止標誌
慳神插圖及文字出現「食得晒先好嗌」字樣:
蘇麗珊話:
蘇麗珊:長遠減碳策略公眾參與已經開始咗喇
大家除咗實踐緊
你哋嘅低碳生活之餘
都可以上susdev.org.hk
俾啲意見呀
畫面內容描述:鏡頭出現長遠減碳策略公眾參與
www.susdev.org.hk
畫面出現可持續發展委員會標誌同佢嘅中英文名:
可持續發展委員會
Council for Sustainable Development

承諾影片

按此觀看此承諾影片的文字稿
[長遠減碳策略公眾參與]
[為地球減碳出一分力你會否作出承諾?]
蘇麗珊:我承諾
眼鏡男生:我承諾
長髮男士:我承諾
紫衣女生:我承諾
兩位男生(右):我承諾
戴帽女生:我承諾
黑衣男生:我承諾
衛衣女生:我承諾
兩位男生(左):我承諾
眼鏡男生:珍惜資源
長髮男士:揼少啲慳多啲救地球
紫衣女生:要珍惜資源
兩位男生(右):揼少啲慳多啲愛地球
戴帽女生:惜食減碳
黑衣男生:揼少啲慳多啲愛地球
衛衣女生:惜物減廢
兩位男生(左):惜食減碳同埋珍惜資源
蘇麗珊:揼少啲慳多啲愛地球
[一同承諾]
[惜物減廢, 惜食減碳, 珍惜資源, 揼少啲慳多啲愛地球]

承諾影片(無障礙瀏覽版本)

按此觀看此承諾影片的文字稿
畫面內容描述:背景出現綠色嘅樹木、大廈、高山同太陽
出現螢幕蓋字:長遠減碳策略公眾參與
以及問題: 為地球減碳出一分力,你會否作出承諾?
蘇麗珊連同一眾受訪者作出承諾,包括眼鏡男生、長髮男士、紫衣女生、兩位男生、戴帽女生、黑衣男生、衛衣女生:
蘇麗珊:我承諾
眼鏡男生:我承諾
長髮男士:我承諾
紫衣女生:我承諾
兩位男生(右):我承諾
戴帽女生:我承諾
黑衣男生:我承諾
衛衣女生:我承諾
兩位男生(左):我承諾
眼鏡男生:珍惜資源
長髮男士:揼少啲慳多啲救地球
紫衣女生:要珍惜資源
兩位男生(右):揼少啲慳多啲愛地球
戴帽女生:惜食減碳
黑衣男生:揼少啲慳多啲愛地球
衛衣女生:惜物減廢
兩位男生(左):惜食減碳同埋珍惜資源
畫面內容描述:鏡頭轉去身在草地嘅蘇麗珊,佢講:
蘇麗珊:揼少啲慳多啲愛地球
畫面內容描述:畫面轉去剛才嘅插圖背景,
並出現螢幕蓋字:一同承諾惜物減廢
惜食減碳
珍惜資源
揼少啲慳多啲愛地球,慳神亦出現喺旁邊
畫面出現可持續發展委員會標誌同佢嘅中英文名:
可持續發展委員會
Council for Sustainable Development"

預告 - 街頭訪問短片第1集

按此觀看預告影片的文字稿
蘇麗珊:有什麼日常可以做到的事可以幫助減碳?
情侶(男):……
小朋友:車輛不要用石油
蘇麗珊:嘩,‬這位仁兄很聰明
長髮男士:我不外出了
蘇麗珊:不外出!?
衛衣女生:……英文是甚麼?

預告 - 街頭訪問短片第2集

按此觀看預告影片的文字稿
眼鏡男生:跟誰承諾?向你承諾?
蘇麗珊:向攝影機承諾
眼鏡男生:好吧
小朋友:願意
衛衣男生:我願意
長髮男生:我願意
衛衣女生:當然承諾
學生:我願意
蘇麗珊:一年平均有多少晚熱夜?
眼鏡男生:一年有365日……那300日啦
蘇麗珊:
返回頁頂